Ein morosam leik, med lyd!

For å ha det kjekt saman.

Dette er dei fire trinna på evolusjonsstigen i leiken vår:
Fisk (som sym med hendene og seier «blubb-blubb-blubb»), hønsekylling (som flaksar med hendene og klukkar som ein galen), hòlebuar/steinaldermann (som lagar skremmande lydar og hyttar med armen sin) og Supermann (som spring rundt med armen heva over hovudet og seier «da-ta-da-da!»). Desse finst i mange versjonar og kan sjølvsagt tilpassast slik ein vil.

Alle byrjar nederst på rangstigen, altså som fisk. Ein kjem seg oppover ved å finne seg nokon å ta stein-saks-papir med. Viss ein vinn, går ein opp til neste trinn. Viss ein taper, går ein eit hakk ned, eller vert verande som fisk viss det er det ein er. Når ein etter kvart kjem seg opp på superhelt-nivå, gjeld det å unngå folk som vil ta stein-saks-papir med ein, slik at ein unngår å rykkje ned.

Den eller dei som er superhelt når leiken vert avslutta, er vinnar(ar).